Yevgeny Prigozhin wayoboraga umutwe w’abacancuro wa Wagner yapfuye

Amakuru y’urupfu rwa Yevgeny Prigozhin, yamenyekanye kuri uyu wa Gatatu nyuma y’uko Indege yarimo yarivuye mu murwa mukuru w’u Burusiya, Moscou, igana mu mujyi wa St. Petersburg yakoze impanuka igahitana abantu 10.

Umukuru w’abacancuro b’Abarusiya, Yevgeny Prigozhin yari ku rutonde rw’abari muri iyo ndege, nubwo kugeza ubu bitaremezwa niba yaguye muri iyo mpanuka.

Amakuru ataremezwa yatangaje ko iyo ndege yakoze impanuka yari iya Prigozhin, ndetse urwego rugenzura indege za gisivile mu Burusiya, Rosaviatsia, rwatangaje ko Prigozhin yari ku rutonde rw’abari gukora urugendo muri iyo ndege.

Gusa iby’uko yaba yari muri iyo ndege ubwo yakoraga impanuka ntibyasobanuwe.

Ibiro ntaramakuru by’u Burusiya, Tass, byatangaje ko amakuru yatanzwe n’abashinzwe ibikorwa by’ubutabazi bavuga ko iyo ndege yakoze impanuka yarimo abepilote 3 n’abandi bantu 7.

Abayobozi bavuze ko bari gukora iperereza kuri iyo mpanuka yabereye mu ntara ya Tver, mu bilometero birenga 100 mu majyaruguru y’umurwa mukuru w’u Burusiya, Moscou.

Prigozhin, umukuru w’umutwe wa Wagner, warwanye ku ruhande rw’igisirikare cy’u Burusiya muri Ukraine, mu mpera za Kamena uyu mwaka, we n’abarwanyi be bateje imyivumbagatanyo bashaka guhirika ubutegetsi bw’u Burusiya.

Written by: KT Radio Team

Rate it

Itsinda ry’Intumwa zo muri Bénin zasuye Polisi y’u Rwanda

Ku wa kabiri tariki 22 Kanama, umuyobozi Mukuru wa Polisi Wungirije ushinzwe ubutegetsi n’abakozi (DIGP), Jeanne Chantal Ujeneza, yakiriye intumwa zaturutse muri Bénin ku cyicaro gikuru cya Polisi y’u Rwanda ku Kacyiru. Zari ziyobowe n’ushinzwe igenamigambi, ubutegetsi n’imari muri Minisiteri y’ibikorwaremezo n’ubwikorezi muri Repubulika ya Bénin, Hermann S. Djedou, mu ruzinduko rw’icyumweru bazagirira mu Rwanda mu rwego rwo kwirebera uko gucunga umutekano w’imihanda yo mu Rwanda bikorwa. DIGP Ujeneza yavuze […]

August 23, 2023