Israel yatangaje ko Ingabo zayo ziri rwagati mu mujyi wa Gaza

Minisitiri w’ingabo wa Israel Yoav Gallant yatangaje ko abasirikare ba Israel barimo gukorera rwagati mu mujyi wa Gaza, mu gihe igikorwa cya gisirikare cy’igihugu cye gikomeje cyo gusenya Hamas.

Yavuze ko abasirikare bagenda n’amaguru barimo gufashwa n’imodoka z’intambara, ibifaru n’aba enjeniyeri (ingénieurs) ba gisirikare.

Ku ruhande rwayo, Hamas yavuze ko irimo kwica abasirikare benshi ba Israel kandi ko yashenye imodoka za gisirikare za Israel.

Kuva Israel yatangira ibikorwa bya gisirikare bisubiza igitero Hamas yagabye ku ya 7 Ukwakira, kugeza ubu abantu bamaze guhitanwa n’ibitero byo ku butaka bya Israel byaherekejwe n’ibitero bikaze by’indege, bararenga ibihumbi 10, barimo abana babarirwa mu bihumbi, nkuko bivugwa na minisiteri y’ubuzima igenzurwa na Hamas muri Gaza.

Hagati aho, ishami rya gisirikare rya Hamas naryo ryavuze ko ririmo gukomeza kurasa ibisasu bya rokete ku mijyi yo muri Israel.