Intambara yongeye kwaduka hagati y’Ingabo za Ethiopia n’Abarwanyi ba FANO

Kuva ku wa Gatatu imirwano yongeye kwaduka hagati y’ingabo za leta ya Ethiopia n’umutwe w’abarwanyi bo mu ntara ya Amhara, ibarizwamo umujyi mutagatifu wa Lalibela.

Nyamara nubwo bimeze bityo, leta ya Ethioipia irabihakana, ikavuga ko umutekano ari wose muri uwo mujyi.

Umutwe FANO w’abarwanyi utagira uwuyoboye kugeza ubu, ukambitse mu Majyaruguru y’intara ya Ahmara, ukaba umaze igihe utana mu mitwe n’ingabo za leta ya Ethiopia. Mu kwezi kwa munani, uyo mutwe wigaruriye umujyi wa Lalibela mbere y’uko abasirikare ba Leta bongera kuwigarurira.

Iyo ntambara imaze guhitana abantu amagana n’amagana ndetse ikaba kimwe mu bintu bikomereye leta ya Minisitiri w’intebe Abiy Ahmed, nyuma yaho intambara yo muri Tigrey irangiye.

Bivugwa ko imirwano ikomeye hagati y’uwo mutwe n’ingabo za Leta yadutse ahagana mu gitondo cyo ku wa Gatatu, ariko umuvugizi wa leta, Legesse Tulu, yahakanye ayo makuru, avuga ko uwo mujyi ndetse n’inkengero zawo bitekanye.

Abo barwanyi bo mu mutwe wa FANO bashyigikiye ingabo za leta ya Ethiopia mu ntambara yari ihanganyemo n’umutwe wa TPLF wo mu ntara ya Tigrey. Gusa umwuka mubi waje gutera amakimbirane waturutse ku kuba uyu mutwe utarumvikanye na leta ya Ethiopia ku muntu ugomba kwegukana ubutaka bwo mu majyaruguru no mu majyepfo y’Intara ya Tigrey.