Shampiyona ya Turkiya igiye gusubukurwa

Ishyirahamwe ry’umupira w’amaguru muri Turkiya ryatangaje ko shampiyona y’umupira w’amaguru izasubukurwa tariki 19 Ukuboza 2023 nyuma yo guhagarikwa igihe gito kubera ikubitwa ry’umusifuzi Halil Umut Meler.

Byari mu mukino wahuzaga amakipe MKA Ankaragucu na Caykur Rizespor yo mu cyiciro cya mbere.

Umusifuzi akimara guhuha mu ifirimbi isoza umukino, Perezida w’ikipe MKA, Faruk Koca, yirukiye mu kibuga atangira guhata ibipfunsi umusifuzi Umut nyuma yuko ikipe ye itsinzwe igitego cyo kunganya ku munota wa 97. Umusifuzi Meler yahise ajyanywa mu bitaro.

Bikimara kuba, Perezida w’ishyirahamwe ry’umupira w’amaguru muri Turkiya yahise atangaza ko imikino yose ya shampiyona ibaye ihagaze. Yavuze ko ibyakoze na Koca ari igisebo gikomeye ku mukino w’umupira w’amaguru muri Turkiya.

Ku wa kabiri ikipe MKA Ankaragucu yatangaje ko Perezida wayo Koca yasezeye kuri uwo mwanya.

Written by: KT Radio Team

Rate it

Rubavu: Hasojwe amahugurwa agenewe Abapolisi bacunga umutekano wo mu mazi

Abapolisi 10 bakorera mu ishami rya Polisi y’u Rwanda rishinzwe gucunga umutekano wo mu mazi (Marine Unit) kuri uyu wa Kabiri tariki ya 12 Ukuboza, basoje amahugurwa bamazemo ibyumweru bibiri abera mu kiyaga cya Kivu mu Karere ka Rubavu. Ni amahugurwa yateguwe ku bufatanye bwa Polisi y’u Rwanda na Carabinieri yohereje abarimu bo mu kigo gitanga amahugurwa y’ubumenyi mu byo koga no gucubira mu mazi (Scuba Diving Centre) giherereye i […]

December 13, 2023