Umuyobozi Mukuru wa Hamas ari mu ruzinduko mu Misiri

Umuyobozi mukuru wa Hamas, Ismail Haniyeh, ari mu ruzinduko i Cairo rugamije kuganira n’abayobozi ba Misiri ku ntambara yo muri Gaza, bishobora kuba birimo n’akandi gahenge.

Muri iyi minsi, igitutu ni kinshi kugirango imirwano ihagarare no gutuma imfashanyo zibasha kwinjira muri Gaza, na Hamas ikomeze kurekura abantu yafashe bugwate.

Mu rwego rwa dipolomasi, ababikurikiranira hafi bemeza ko Haniyeh, usanzwe uba muri Qatar, ku kwihagurukira ubwe hari ikizere ko ibiganiro biri mu nzira nziza zegereza umusozo.

Yaherukaga i Cairo na none mu ntangiriro z’ukwezi gushize mbere gato yo kugera ku masezerano y’agahenge ka mbere katumye Hamas irekura abantu bari ingwate 110. Israheri nayo yafunguye Abanyepalestina 300.

Imishyikirano irimo ibera i Cairo iribanda ku kumenya niba agahenge kabonetse ndetse n’abafashwe bugwate bagomba kurekurwa ku ruhande rwa Hamas, n’abo Israheli yarekura mu mfungwa z’Abanyepalestina ifite muri gereza zayo. Abahuza muri ibi biganiro ni Misiri, Qatar na Leta zunze ubumwe z’Amerika.