Mali: Ingabo z’aba Tuareg zashinze bariyeri ahahoze Ingabo z’Igihugu

Muri Mali, ingabo z’abaTuareg zatanagaje ko zashinze za bariyeri ku mihanda minini yo mu majyaruguru y’igihugu ahahoze ingabo z’igihugu mu byumweru bishize.

Aba barwanyi bagize urugaga ,CSP, rugizwe n’imitwe irwanya ubutegetsi, bavuze ko bafashe icyemezo cyo gushyiraho za bariyeri ku mihanda yose yerekeza ku mipaka y’igihugu na Moritaniya, Alijeriya na Nijeri.

Itangazo rya CSP rivuga ko izo bariyeri zizaba ziri ku mihanda isohoka mu mijyi ya Menaka, Kidal, Gao, Timbuktu na Taoudeni.

Izi bariyeri zirafunga imihanda ku bicuruzwa byose n’uburyo bwose bwo gutwara ibintu n’abantu, nk’uko ibiro ntaramakuru by’abafaransa AFP byabitangaje.

Umutwe w’ingabo wiganjemo aba Tuareg, mu byumweru bishize wari watakaje ibice wari ufite, ubyambuwe n’ingabo za Mali zabihimuyeho hagati mu Ugushyingo, bituma zisubiza umujyi wa Kidal uherereye mu majyaruguru y’uburasirazuba bw’igihugu.