VAR ishobora gukurwaho muri shampiyona y’u Bwongereza kuva 2024-2025

Ikoranabuhanga ry’amashusho rimaze imyaka itanu ryifashishwa muri shampiyona y’u Bwongereza mu gufata ibyemezo bimwe na bimwe by’imisifurire rishobora kuvaho guhera mu mwaka w’imikino wa 2024-2025.

Ibyo gukurwaho kw’iri koranabuhanga ryifashishwa ryunganira umusifuzi ku byemezo bitandukanye hifashishijwe amashusho, byatangajwe n’ikinyamakuru The Athletic cyavuze ko kuri gahunda z’ibizigirwa mu Nteko Rusange y’amakipe 20 akina shampiyona y’icyiciro cya mbere mu Bwongereza itegura umwaka w’imikino 2024-2025 izayahuza tariki 6 Kamena 2024 hariho no gutorera ko ryavaho.

Kugira ngo iki cyifuzo cyatanzwe ku nshuro ya mbere n’ikipe ya Wolvermpton Wonderers ko VAR yakurwaho kibe cyashyirwa mu bikorwa byasaba ko 2/3 by’amakipe akina shampiyona y’icyiciro cya mbere 20 yabitorera abyemera. Ibi bivuze ko muri aya makipe 14 muri aya 20 yatora yemera ko iri koranabunga ryavanwaho.

Mu matora iki nyamakuru cyahise gikoreshwa kibaza niba VAR yakurwaho, 54% bemeje ko ryavaho naho 46% batora oya.Ikoranabuhanga rya VAR ryagiye ritavugwaho rumwe ku byemezo bimwe na bimwe kuva ryatangira gukoreshwa, kuko hari ibyemezo bifatwa bigateza impagarara.

Written by: KT Radio Team

Rate it

Abantu umunani barifuza kwiyamamaza nk’abakandida bigenga ku mwanya wa Perezida wa Repubulika

Komisiyo y’Igihugu y’Amatora iravuga ko hari abantu 8 basabye impapuro zibemerera kujya gushaka imikono mu turere ibemerera kwiyamamariza kuba Perezida wa Repubulika. Ni amakuru Komisiyo y’igihugu y’amatora yatangarije mu kiganiro n’abanyamakuru kuri uyu wa kane tariki 16 Gicurasi,aho yanongeyeho ko uretse abo umunani , hari n’abandi 41 basabye impapuro zo kujya gushaka imikono, ibemerera kwiyamamariza kujya mu Nteko Ishinga Amategeko nk’Abadepite. Muri aba bose ariko, hari babiri bagaruye impapuro bahawe […]

May 16, 2024