Ambasaderi Claver Gatete, kuri uyu wa Kabiri tariki 12 Nyakanga 2022, yashyikirije Perezida wa Venezuela Nicolás Maduro, impapuro zimwemerera guhagararira inyungu z’u Rwanda muri icyo gihugu.
Ni mu muhango wabereye mu ngoro ya Perezida Maduro, iherereye i Miraflores.
Ambasaderi Claver Gatete kandi yagiranye ibiganiro na Bwana Carlos Rafael Faría Tortosa, Minisitiri w’ububanyi n’amahanga wa Repubulika ya Bolivariya ya Venezuela.
Ibiganiro byabo bikaba byaribanze ku gushimangira ubufatanye hagati y’ibihugu byombi.
Venezuela isanzwe ifitanye umubano n’u Rwanda. Inyungu zayo mu gihugu zireberwa na Jesús Agustín Manzanilla Puppo.
Puppo ni Ambasaderi wa Venezuela mu Rwanda ariko afite icyicaro i Nairobi muri Kenya.
Ambasaderi Claver Gatete, asanzwe ari Ambasaderi uhoraho w’u Rwanda mu muryango w’Abibumbye, umwanya yagiyeho asimbuye Ambasaderi Valentine Rugwabiza. Akaba anahagarariye inyungu z’u Rwanda mu gihugu Jamaica.
Tariki 31 Mutarama 2022, nibwo Perezida Kagame yakoze impinduka muri Guverinoma, maze Amb. Gatete wari Minisitiri w’ibikorwa remezo, asimburwa na Dr Ernest Nsabimana.
Nyuma ya Raporo ya Komisiyo y’Ububanyi n’Amahanga, Ubutwererane n’Umutekano, ubwo yari imaze kugenzura ikagaragaza ko Amb. Gatete afite ubumenyi n’ubunararibonye, buzamufasha mu nshingano ze, Sena na yo yanzuye ko imwemeje, ku mwanya wo guhagararira u Rwanda muri UN.
Amb. Gatete na Perezida Maduro bafata ifoto y’urwibutsoAmb. Gatete na Minisitiri Carlos Rafael Faría
Nyuma y’igihe ikipe ya Kiyovu Sports iri mu biganiro n’umutoza ukomoka mu gihugu cy’u Bubiligi Patrick Aussems, bamaze kwemeranya kuzayitoza kuva mu mwaka w’imikino wa 2022-2023. Patrick Aussems yatoje Simba SC yo muri Tanzania Ibiganiro bya nyuma hagati y’impande zombi byabereye mu gihugu cy’Ubufaransa kuri uyu wa mbere tariki 11 Nyakanga 2022, hagati ya Perezida wa Kiyovu Sports Mvukiyehe Juvenal ndetse na Patrick Aussems. Uyu mugabo wanyuze mu makipe atandukanye […]
Post comments (0)