Banki y’Isi yakuyeho ibihano yari yarafatiye Mali

Minisiteri ya Mali ishinzwe ubukungu yatangaje ko ku wa kabiri yamenyeshejwe na banki y’Isi ko ibihano yari yarafatiye icyo gihugu byakuweho. Ni ibihano byafashwe nyuma ya kudeta yakozwe n’abasirikare mu mwaka ushize.

**Colonel Assimi Goita, niwe uyoboye agatsiko k’abasirikare bafashe ubutegetsi muri Mali**

Uwungirije uhagarariye banki y’Isi mu karere ka Afurika yo mu burengerazuba no hagati, Ousmane Diagana, yoherereje urwandiko rumenyesha iby’uwo mwanzuro Minisiteri ishinzwe ubukungu ya Mali tariki ya 18 Nyakanga, 2022. Uru rwandiko ruvuga ko Mali igiye gukomeza gahunda zayo z’iterambere yari isanzwe ifashwamo na banki y’Isi. Nk’uko VOA yabitangaje.

Uyu mwanzuro ufashwe nyuma y’aho mu ntangiriro z’uku kwezi umuryango w’ubuhahirane uhuza ibihugu 15 byo mu burengerazuba bwa Afurika (CEDEAO), ukuriyeho ibihano muby’ubukungu wari warafatiye Mali.

Mali iri kugenda ikurirwaho ibihano nyuma yo gutangaza itegeko rishya rigenga amatora ndetse n’ingengabihe yayo, aho azaba mu kwezi kwa Gashyantare 2024.

Written by: KT Radio Team

Rate it

Umujyi wa Kigali wongeye kuza inyuma mu gutanga Mituweli

Raporo y’Ikigo cy’Igihugu cy’Ubwiteganyirize (RSSB), iragaragaza ko ubwitabire mu kwishyura Mituweli 2022/2023, uturere tugize Umujyi wa Kigali tuza ku myanya itatu ya nyuma. Ni raporo yo ku itariki 13 Nyakanga 2022, aho igaragaza ko Akarere ka Gakenke kari ku isonga nk’uko bisanzwe mu myaka itandatu ishize, kakaba gakurikirwa na Nyaruguru. Muri iyo raporo, Uturere dutanu twa nyuma mu kwishyura Mituweli 2022/2023 ni Rusizi iri ku mwanya wa 26 ku mpuzandengo […]

July 20, 2022 92