Umwamikazi Elizabeth II yatabarijwe

Umwamikazi w’Ubwongereza, Elizabeti wa kabiri umaze iminsi 11 atanze yatabarijwe kuri uyu wa mbere. Umuhango w’itabiriwe n’abayobozi batandukanye bo ku Isi.

Umuhango wo kumuherekeza wabanjirijwe n’amasengesho yabereye mu rusengero rwa Westminster Abbey mu murwa mukuru w’Ubwongereza Londres.

Ni umuhango witabiriwe n’abanyacyubahiro batandukanye baturutse hirya no hino ku isi barenga umuhango 2000. Barimo abakuru b’ibihugu, Abami, n’Ibikomangoma.

Inkuru y’Ijwi ry’Amerika ivuga ko uwo muhango urimo gukurikiranwa n’abantu ibihumbi n’ibihumbi mu mujyi wa Londres, abandi za miliyoni babikurikranira kuri televiziyo za rutura zashyizwe mu mijyi hirya no hino mu gihugu.

Abandi bagera kuri miliyari enye, ku isi yose nabo barakurikirana uwo muhango.Uyu muhango mu rusengero rwa Westminister Abbey ni wo muhango wo gutabariza umwami uhaabereye ma y’imyaka 262 ishize.

Umuhango wa nyuma wahabereye mu mu mwaka wa 1760 hatabarizwa Umwami Georges wa Kabili.

Arkiyepiskopi w’itorero ry’Abangirikani, Justin Welby, wayoboye umuhango wo guherekeza Umwamikazi Elizabeti yavuze ko akababaro ko kubura Umwamikazi katihariwe n’umuryango w’umwamikazi gusa, ahubwo ari ak’igihugu cyose, Umuryango wa Commonwealth yari ayoboye n’isi yose muri rusange.

Mu bakuru b’ibihugu bitabiriye uyu muhango harimo Joe Biden w’Ubwongereza, Emmanuel Macron w’Ubufransa, Ministiri w’Intebe wa Canada Justin Trudeau, Perezida Paul Kagame w’u Rwanda uyoboye Commonwealth muri iki gihe, n’abandi bategetsi benshi baturutse ku migabane yose y’isi.