Perezida Kagame yifurije Abayisilamu umunsi mwiza wa Eid-al-Fitr

Perezida Paul Kagame yifurije abayoboke b’idini ya Islam bo mu Rwanda no ku Isi hose umunsi mwiza wa Eid-al-Fitr, abifuriza amahoro n’uburumbuke.

Kuri uyu wa Gatanu tariki 21 Mata 2023, nibwo Abayisiramu basoje ukwezi gutagatifu kwa Ramadan.

Mu Rwanda Abayisiramu bahuriye kuri Kigali Pelé Stadium i Nyamirambo mu isengesho bakorera hamwe basoza Igisibo.

Perezida Kagame mu butumwa yashyize ku mbuga nkoranyambaga ze, yagize ati: “Eid Mubarak kubantu bose bayizihiza mu Rwanda no kwisi yose. Mbifurije umunezero, amahoro n’amajyambere.”

Umuyobozi w’Abayislamu mu Rwanda (Mufti) Sheikh Salim Hitimana ubwo hasozwaga uku kwezi yavuze ko igisibo cyagenze neza muri rusange, kikaba cyarabaye igihe cyiza cyo kwitagatifurizamo, bakoramo ibikorwa by’urukundo.

Sheikh Salim Hitimana, yasabye Abayislamu gukomeza kubakira ku bumwe bw’Abanyarwanda no gukomeza gufatanya na Leta mu kubungabunga umutekano kuko ari wo utuma ibikorwa byose bikorwa mu mutuzo.

Written by: KT Radio Team

Rate it

Indangamuntu zishobora guhindurwa, n’abana bakazihabwa bakivuka

Minisitiri w’Ikoranabuhanga na Inovasiyo, Paula Ingabire, yagejeje ku Nteko Ishinga Amategeko Umushinga w’Itegeko ryo gutanga indangamuntu nshya z’ikoranabuhanga, zizahabwa abantu bose harimo n’abana kuva bakivuka. Minisitiri w’Ikoranabuhanga na Inovasiyo, Paula Ingabire Iri tegeko rizaba rigenga iyandikwa ry’abaturage muri Sisitemu y’Igihugu y’Indangamuntu-koranabuhanga, mu gihe ryaramuka ritowe rizatuma amakuru aranga buri muntu uba mu Rwanda abikwa muri Sisitemu imwe. Iyi ndangamuntu kandi izatangwa ku muntu bafashe ibipimo ndangamiterere ye, nko gufotora imboni […]

April 21, 2023