Mu muhango wo kwibuka ku nshuro ya 29 Jenoside yakorewe Abatutsi, wabereye mu Murenge wa Muhima tariki 22 Mata 2023, kuri Paruwasi y’Umuryango Mutagatifu (Sainte Famille), Senateri Evode Uwizeyimana yagarutse ku bugome bw’indengakamere bwaranze Padiri Munyeshyaka Wenceslas wari Padiri mukuru w’iyo Paruwasi mu gihe cya Jenoside.
Uretse gushumuriza Interahamwe n’abasirikare Abatutsi bari bahungiye muri Kiliziya ya Sainte Famille bakabicira mu mbuga ya Kiliziya, gufata ku ngufu abagore n’abakobwa abanze akabatanga bakicwa, Padiri Munyeshyaka na we ubwe yagize uruhare mu kurimbura ba nyirarume nk’uko byemezwa na Senateri Evode Uwizeyimana.
Senateri Uwizeyimana yagize ati “Nigeze kujya mu Karere ka Huye ahahoze ari muri Komine Ngoma aho Padiri Munyeshyaka akomoka, nza gutangazwa no kumva ko nyina yari Umututsikazi, ariko yadutse mu bantu ararimbura, muri ba nyirarume, no mu bandi bantu bafitanye isano. Ibyo ni ukubura ubumuntu ubwabyo.”
Senateri yakomeje avuga ko gutabara abantu bari mu kaga byari amahitamo Munyeshyaka yari afite, atanga urugero rw’umushumba wa Diyosezi ya Gikongoro Musenyeri Céléstin Hakizimana na we wari Padiri kuri Saint Paul mu Mujyi wa Kigali mu gihe cya Jenoside yakorewe Abatutsi, ariko akaba yarabashije gutabara abasaga 2,000 akaza no kwambikwa umudari w’Umurinzi w’Igihango.
Musenyeri Céléstin Hakizimana ashimirwa uruhare yagize mu kurokora abahigwaga
Senateri Evode Uwizeyimana avuga ko bibabaje kuba kugeza na n’ubu Munyeshyaka Wenceslas akomeje gukingirwa ikibaba aho yihishe mu Bufaransa, akaba ataratabwa muri yombi ngo aryozwe ubuzima bw’abantu batagira ingano bishwe ari we ubategeje Interahamwe n’abasirikare, n’abakobwa n’abagore yangirije ubuzima abafata ku ngufu.
Amakuru aheruka kuri Padiri Munyeshyaka Wenceslas, avuga ko yahagaritswe ku mirimo ye, nyuma yo kwemera ko ari we se w’umwana w’umuhungu yabyaranye n’umugore witwa Mukakarara Claudine, akaba yarahagaritswe n’Umuyobozi wa Diyosezi yakoreragamo.
Gukurwa ku mirimo y’ubupadiri, ibyo bita ‘Suspense a divinis’ mu kilatini, ni icyemezo cyafashwe na Musenyeri Christian Nourrichard, agifatiye Padiri Munyeshyaka Wenceslas. Ibyo bikaba bisobanuye ko Munyeshyaka atemerewe kongera gukora imirimo ijyanye n’ubupadiri, kandi ko abujijwe no gutanga amasakaramentu ayo ari yo yose.
Senateri Evode Uwizeyimana (uwa kabiri iburyo) yagarutse ku bikorwa bibi byaranze Padiri Munyeshyaka Wenceslas mu gihe cya Jenoside
Mu itangazo ryasohowe ku wa Gatanu tariki 3 Ukuboza 2021 aho Padiri Munyeshyaka yakoreraga, rivuga ko yahagaritswe ku mirimo nyuma y’uko yemeye ko ari we Se w’umwana muri Nzeri 2021 ahitwa i Gisors. Uwo mwana utavugwa amazina, ikinyamakuru www.tendanceouest.com cyanditse ko yavuze mu 2010.
Padiri Wenceslas Munyeshyaka yasabye kuba impunzi ya Politiki, kuva yagera mu Bufaransa mu 1994. Ubwo yari amaze imyaka ibiri muri icyo gihugu, yakiriwe muri Diyosezi ya Évreux, nyuma akorera muri za Paruwasi zitandukanye, iheruka yakoreyemo, ikaba ari Paruwasi ya Brionne.
Urwego rw’Igihugu rushinzwe itangazamakuru n’itumanaho(CNC) rwatangaje ko ruhagaritse ku mugaragaro indirimbo 33 mu Burundi, ruvuga ko zirimo amagambo ateye isoni, ibyo bikaba biihabanye n’umuco w’Igihugu cyabo. Amb. Vestine Nahimana uhagarariye Urwego rushinzwe Itangazamakuru n’Itumanaho (CNC) yasomye urutonde rw’indirimbo 33 zitemewe gucurangwa mu Burundi Muri izo ndirimbo harimo Akinyuma na Ikinyafu za Bruce Melody, Inzoga n’Ibebi ya Double Jay, Kirikou na Bruce Melodie, na My Boo ya Afrique. Mu zindi ndirimbo […]
Post comments (0)