Umupasiteri ukomoka muri Kenya yatawe muri yombi kuri uyu wa kuwa kane, kubera impfu z’abayoboke be, ni nyuma y’iminsi mike undi muyobozi w’itorero afashwe ubwo hari hamaze gutahurwa imva rusange zishyinguyemo abari abayoboke be.
Ibi byatangajwe na minisitiri w’ubutegetsi bw’igihugu, Kithure Kindiki mu butumwa yanyujije ku rubuga rwa Twitter.
Minisititi Kindiki yatangaje ko abayobozi bahungishije abantu barenga 100, bari barahejejwe mu itorero rya Ezekiel Odero ryitwa New Life Prayer Centre, mu mujyi wa Mavueni mu majyepfo y’uburasirazuba.
Odero wari wambaye ikanzu y’umweru atwaye igitabo kinini cy’umukara mu ntoki, ntacyo yasubije abanyamakuru ku bibazo bamubajije ubwo yari aherekejwe n’umupolisi wari umujyanye kuri sitasiyo ya polisi.
Umujyi wa Mavueni uherereye mu birometero bigera muri 66 uvuye hafi y’ishyamba rya Shakahola aho undi mupasiteri witwa Paul Mackenzie, ashinjwa gutegeka abayoboke be kwiyicisha inzara mu byo yavugaga ko isi izarangira kw’itariki ya 15 Mata 2023.
Abantu hafi 100 bari muri iri torero rya Mackenzie ryitwa Good News International Church barapfuye. Umubare w’abapfuye wagiye uzamuka kuva aho batangiriye gutahura imibiri mu mva rusange kuva ku wa Gatanu.
Umuyobozi w’akarere, Rhoda Onyancha, yavuze ko itabwa muri yombi rya Odero rifitanye isano n’impfu zavugwaga muri ibyo bice. Ku ruhande rwe, minisitiri Kindiki yavuze ko iryo torero ryafunzwe.
Urwego rw’Igihugu rw’Imiyoborerer (RGB), rugaragaza ko mu Mujyi wa Kigali mu byo Abanyarwanda babona nk’imbogamizi harimo ruswa ishingiye ku kimenyane iri hejuru ya 45% muri serivisi zitangirwa mu nzego z’ibanze. Byatangajwe ku wa gatatu tariki 26 Mata 2023, mu nama nyunguranabitekerezo ku kurwanya ruswa n’akarengane mu mitangire ya serivisi, yari ifite insanganyamatsiko igira iti “Turwanye ruswa n’akarengane mu mitangire ya serivisi, twubake u Rwanda twifuza”. Ni ibintu ubushakashatsi bwa RGB […]
Post comments (0)