USA: Abantu batanu bishwe barashwe muri leta ya Texas

Abantu batanu bishwe barashwe n’umugabo yitwaje impunda mu mujyi wa Cleveland muri leta ya Texas, mu Majyepfo ya leta zunze ubumwe za Amerika.

Amakuru yatangajwe ku wa gatandatu na Televiziyo ya ABC News avuga ko iki gukorwa cy’ubugizi bwa nabi cyabaye mu ijoro ryo ku wa Gatanu rishyira ku wa Gatandatu ndetse ko mu bishwe harimo umwana w’imyaka umunani, kandi ko bose barasiwe mu nzu imwe.

Polisi n’abayobozi bo mu Karere ka San Jacinto kabarizwa muri uwo mujyi wa Cleveland bavuze ko ku Isaa tanu n’igice z’ijoro zo muri ako karere bahawe amakuru y’uko harimo kuba ibikorwa by’ubugizi bwa nabi muri ako gace.

Polisi itangaza ko ubwo bahageraga basanze abantu batari bake bamaze kuraswa.

Umuyobozi muri ako gace yavuze ko uwakoze icyo gikorwa akomoka muri Mexique ndetse ko yahise acika inzego z’umutekano zikaba zigikomeje kumushakisha.

Polisi ntiyavuze ibindi mu biranga uyu ucyekwaho ubwo bwicanyi ndetse n’isano yaba iri hagati y’abishwe n’uwabishe. Ariko ikinyamakuru cya ABC News cyatangaje ko bose baturuka muri Honduras.

Aba bose barasiwe munzu imwe aho bane bahise bahasiga ubuzima, uwa Gatanu yaguye kwa muganga.