Mu Rwanda hari kubera inama ihuje inzego z’umutekano muri Afurika

Kuva kuri uyu wa Gatatu tariki 17 Gicurasi 2023, I Kigali hateraniye inama ihuje inzego zitandukanye z’umutekano muri Afurika, abashakashatsi, inararibonye mu by’umutekano n’abahagarariye amashuri makuru ya gisirikare muri Afurika.

Ni inama yateguwe n’Ishuri Rikuru rya Gisirikare riri i Nyakinama rifatanyije na Kaminuza y’u Rwanda kugirango izi nzego zitandukanye ku Mugabane wa Afurika zirebera hamwe ibibangamiye umutekano muri Afurika n’uburyo izi nzitizi zakurwaho.

Iyi nama ibaye ku nshuro yayo ya 10, yafunguwe ku mugaragaro na Minisitiri w’Ingabo Maj Gen. Albert Murasira.

Abanyeshuri biga mu Ishuri Rikuru rya Gisirikare bo bavuga ko ibafasha mu masomo baba biga kuko babona ingingo zitandukanye bandikaho mu bushakashatsi mu gihe baba basoza amasomo y’icyiciro cya 3 cya Kaminuza mu by’umutekano.

Ibi biterwa n’uko aba banyeshuri baba babonye abashakashatsi n’impuguke mu by’umutekano.

Mu gihe cy’iminsi 3 iyi nama izatangirwamo ibiganiro bitandatu birimo ikizagaruka ku miyoborere, ibibangamiye umutekano muri Afurika, ubumenyi n’ikoranabuhanga muri Afurika n’ibindi.

Written by: KT Radio Team

Rate it

Ba ofisiye bakuru biga mu Ishuri rikuru rya Polisi bari mu rugendoshuri muri Botswana

Ku wa Mbere tariki ya 15 Gicurasi, Icyiciro cya 11 cy’abanyeshuri biga mu ishuri rikuru rya Polisi (NPC) riherereye mu Karere ka Musanze, batangiye urugendoshuri rw’icyumweru muri Botswana. Ni urugendoshuri rwitabiriwe n’abagera kuri 35 biga muri iri shuri mu masomo amara igihe cy’umwaka umwe, baturutse mu bihugu 10 by’Afurika ari byo; Etiyopia, Kenya, Malawi, Namibia, Lesotho, Nigeria, Somalia, Sudani y'Epfo, Tanzania n'u Rwanda. Rufite insanganyamatsiko igira iti ‘Iterambere ry’Ubukungu n’imibereho […]

May 17, 2023