play_arrow
KT Radio Real Talk, Great Music
President wa Republica y’u Rwanda yasabye abayobozi b’akarere ka Rubavu kwihutisha ikibazo cy’umugore ukomoka muri Republica iharanira demukarasi ya Congo usaba ubwenegihugu nyuma y’imyaka 15 amaze mu Rwanda.
Ni ku munsi wa nyuma w’uruzinduko rw’umukuru w’igihugu mu ntara y’amajyaruguru n’iy’uburengerazuba aho yarusoreje, aganira n’abaturage ibihumbi n’ibihumbi baturutse hirya no hino, dore ko hari n’abari baturutse mu mujyi wa Kigali.
Mu bibazo byahise bikemukira aho ako kanya, harimo icy’umugore ukomoka muri Republica iharanira demukarasi ya Congo washakanye n’umunyarwanda ariko baza gutandukana amusigiye abana, yigira Arusha muri Tanzania.
Ikibazo cye ngo ntaho atakigejeje ariko kumuha ubwenegihugu byarananiranye.
Umva hano uwo mugore ari gusobanura ikibazo cye:
Mu ruzinduko rwa Perezida Paul Kagame mu ntara y’amajyaruguru, yasabye abaturage b’akarere ka Musanze n’abo mu karere ka Nyabihu mu ntara y’Uburengerazuba gushyiraho akabo bagakemura ibibazo by’umwanda n’imirire mibi bikibagaragaraho. Perezida Kagame avuga ko bitumvikana ukuntu bafite ibyo bibazo kandi nyamara ari abaturage bumva neza kandi bazi gukora, bityo abasaba kubihagurukira bafatanyije n’ubuyobozi.
Post comments (0)