USA: Abantu 30 barasiwe mu birori mu Mujyi wa Baltimore

Muri Leta zunze ubumwe z’Amerika abantu bagera kuri 30 barasiwe mu birori byari byateguwe n’abaturage batuye mu rusisiro rw’ahitwa Brooklyn Homes ruherereye mu majy’epfo y’umujyi wa Baltmore.

Abashinzwe umutekano batangaje ko babiri mu barashwe bamaze gupfa, mu gihe abandi batatu barembye cyane. Polisi kandi yatangaje ko yakiriye telefone nyinshi zivuga kuri iryo raswa.

Umuyobozi w’umujyi wa Baltimore Brandon Scott, yabwiye televiziyo ya CNN ko iraswa ry’aba baturage rigaragaza ko ikibazo cy’uburyo abantu bemerewe gutunga imbunda gikwiriye gusuzumwa bitari muri Baltimore gusa ahubwo mu gihugu hose.

Richard Worley, umuyobozi w’agateganyo wa polisi ya Baltimore, yavuze ko ibyabaye byageze ku bantu benshi. Ndetse ko abagera kuri 20 mu bakomeretse bashoboye kwijyana kwa muganga.

Umuyobozi w’umujyi wa Baltimore yatanze, buburira abakoze icyo gikorwa ko ntagutuza kuzabaho mugihe batarafatwa. Ati: ‘Ndashaka ko ababikoze banyumva neza. Ntituzatuza tutarabafata kandi tuzabafata’.

Yakomeje agira ati: ‘Gusa nizere ko na mbere yaho, buri uko muhumetse mutekereza ku bo mwavukije ubuzima no ku bantu bose mwateye ikibazo uyu munsi”.