Niger: Ambasaderi w’u Bufaransa yanze mu gihugu

Ambasaderi w’u Bufaransa muri Niger ntiyaraye avuye muri icyo gihugu nk’uko yari yabitegetswe n’umukuru w’agatsiko ka gisirikare kaherutse guhirika ubutegetsi bwa Perezida Mohamed Bazoum.

Mu ibarwa yashyikirijwe ku wa gatanu, Ambasaderi Sylvain Itté yahawe itegeko ryo kuva muri Niger mu gihe cy’amasaha 48. Ni inyuma y’uko Minisitiri w’Ububanyi n’amahanga wa Niger amushinjije kuba ataritabiriye inama yari yatumiwemo n’ibiro bye.

Mu ibarwa imwirukana, harimo ibirego by’uko igihugu cy’u Bufaransa gikora ibikorwa binyuranyije n’inyungu za Niger.

Perezida Emmanuel Macron kuri uyu wa mbere yatangaje ko Ambasaderi Itte agiye kuguma muri Niger kabone n’ubwo yategetswe kuvayo. Yanenze bikomeye Kandi abakoze kudeta muri icyo gihugu yongeraho ko u bufaransa atari umwanzi wa Niger.

Kuva prezida wa Niger wari watowe mu nzira ya demokarasi akuwe ku butegetsi, umusirikare uyoboye icyo gihugu muri iki gihe amaze imisi ashyira ibibazo abaturage bafite ku gihugu cy’u Bufaransa. Ndetse aherutse guha uburenganzira abasirikare b’Abarusiya bo mu mutwe wigenga wa Wagner kuza gufasha igihugu cye.

Perezida Macron yamaganye kandi abavuga ko kunangira kwa Ambasaderi Sylvain Itté bishobora kugira ingaruka mbi, asobanura ko atazava muri Niger nubwo yabanganirwa.