Huye: Abajura bibye Taberinakuro mu kiliziya

Taberinakuro (tabernacle) yo muri Chappelle y’Ikigo cyita ku basheshe akanguhe gicungwa n’ababikira b’Abizeramariya i Tumba mu Karere ka Huye, yibwe.

Padiri Mukuru wa Paruwasi Cathedrale ya Butare, Pierre Celestin Rwirangira ntabwo yifuje kugira byinshi avuga kuri ubwo bujura, ariko yagize ati “Biteye isoni rwose.”

Umubikira uyobora icyo kigo, Soeur Julienne Mukarwego, avuga ko abajura batwaye taberikanukuro n’isakaramentu rya Ukarisitiya, hamwe n’iyo gushengerera(austentoire) byari birimo.

Sr Mukarwego yemeza ko iyo taberikanukuro yibwe n’abajura baturutse hanze y’Ikigo mu ijoro ryakeye ku wa Kabiri tariki 28 Ugushyingo 2023 .

Yakomeje agira ati “Abashinzwe umutekano babirimo, buriya baradufasha kumenya aho byagiye.”

Sr Mukarwego avuga ko iyo taberikanukuro ikozwe mu giti idahenze cyane nka austentoire (agakoresho gakozwe mu cyuma n’ibirahure gashyirwamo Yezu igihe bashengereye, bamurangamiye).

Written by: KT Radio Team

Rate it

Urubyiruko rwahoze mu bigo ngororamuco rweretswe amahirwe arukikije

Urubyiruko rwiganjemo abahoze mu bigo ngororamuco, Polisi y’u Rwanda yabagaragarije ko hari amahirwe menshi abakikije bakwiye kubyaza umusaruro bakiteza imbere, bakaba intangarugero ku bakiri mu ngeso mbi n’ibikorwa bigayitse. Ibiganiro ku kurwanya no gukumira ibyaha Polisi y’u Rwanda ikomeje kubigeza ku byiciro binyuranye by’urubyiruko Mu kurushaho gukumira ibyaha no kubirwanya, Polisi y’u Rwanda, ikomeje guhugura urubyiruko rurimo abavuye mu bigo ngororamuco ndetse n’Urubyiruko rw’Abakorerabushake bahagarariye abandi bo mu Turere dutandukanye […]

November 30, 2023