play_arrow
KT Radio Real Talk, Great Music
Abanyarwanda 33 birukanywe muri Uganda baravuga ko imitungo bari bamaze kugira muri iki gihugu bayiteshwejwe, bakaza imbokoboko.
Aba banyarwanda bakaba baragejejwe ku mupaka wa Cyanika mu karere ka Musanze ku mugoroba w’ejo ku wa gatatu.
Abo banyarwanda baje ni abamazeyo igihe kirekire aho bamwe bari baramaze gutura, bakaba bakoreraga muri icyo gihugu imirimo inyuranye.
Abenshi muri abo banyarwanda ni abafashwe mu mukwabu wo kuwa mbere ku itariki 25 Ugushyingo, wakozwe na Polisi n’igisirikare cya Uganda, hakarekurwa utanga amashiringi miliyoni eshatu y’amagande, uyabuze agafungwa imyaka itatu akoreshwa imirimo y’uburetwa.
Guverineri w’intara y’amajyaruguru Jean Marie Vianney Gatabazi yabwiye ikinyamakuru The New Times ko uruhande rw’u Rwanda rutigeze rumenyeshwa uko kwirukanwa kw’abanyarwanda muri Uganda.
Avuga ko abirukanywe baturuka mu turere twa Burera, Musanze, Rubavu, Huye, Kicukiro na Rwamagana.
Umva ubuhamya bwabo hano:
Ruzigamanzi Felecian ukomoka mu mudugudu wa Murisanga, akagari ka Noma, Umurenge wa Musheri, akarere ka Nyagatare, araburira abanyarwanda kujya muri Uganda kubera ubugome buri gukorerwa abanyarwanda muri icyo gihugu. Ni nyuma y’uko agize amahirwe yo kugaruka mu Rwanda kuri uyu wa gatatu 27 Ugushyingo 2019, avuye muri Uganda aho yari afungiye igihe kirenga umwaka. Umva ubuhamya bwe hano:
Post comments (0)