Abafata imiti igabanya ubukana bwa SIDA barasabwa kutayivanga n’inzoga

Minisitiri w’Ubuzima Dr Diane Gashumba arasaba abafata imiti igabanya ubukana bwa virusi itera SIDA kutayivanga n’inzoga cyangwa ibindi biyobyabwenge kugira ngo ibashe gukora neza.

Yabigarutseho ejo ku cyumweru tariki ya 1 Ukuboza, ubwo yari mu kiganiro n’abanyamakuru, cyagarutse ahanini ku cyorezo cya SIDA muri Afurika.

Minisitiri Gashumba avuga ko mu myaka itanu ishize, SIDA mu Rwanda iri kuri 3%, mu bantu bari hagati y’imyaka 15 na 45, ikaba yaragabanutse kuko iri ku gipimo cya 2.6%.

Avuga ko muri abo banduye, 97% ari bo bari ku miti n’ubwo icyifuzo ari uko baba 100%, kuko gahunda ari uko usanze yaranduye ahita ashyirwa ku miti.

Minisitiri Gashumba yatangaje ibi mu gihe kuri uyu wa mbere mu Rwanda hatangiye inama izwi nka ICASA irimo guhuza abayobozi, abashakashatsi, ndetse n’impirimbanyi mu kurwanya icyorezo cya SIDA bagera ku bihumbi 10.

Umva inkuru irambuye hano: