Amajyepfo: Abasaga 6,000 bavuye mu Mujyi wa Kigali barasabwa kwishyira mu kato

Ubuyobozi bw’Intara y’Amajyepfo buratangaza ko abantu basaga 6000 bavuye mu mujyi wa Kigali bari gukurikiranwa iwabo mu miryango kugira ngo uwaba yarakuyeyo icyorezo cya Coronavirus afashwe atanduza abandi.

Guverineri w’Itara y’Amajyepfo Emmanuel Gasana, avuga ko ko abantu bose bavuye mu mujyi wa Kigali ahagaragaye bwa mbere icyorezo cya Coronavirus bishyira mu kato k’iminsi 14 aho bari, kandi bagakurikiranwa kugira ngo hataba hari uwakuyeyo ubwandu bwa Coronavirus akaba yabukwirakwiza.

Abishyize mu kato bakurikiranwa n’abajyanama b’ubuzima, ibigo nderabuzima, n’inzego z’ubuyobozi kuva ku mudugudu kugeza ku rwego rw’akarere.

Mu Murenge wa Nyamabuye mu karere ka Muhanga hagaragara urutonde rw’abantu 54 bavuye mu mujyi wa Kigali, umunani bamaze kwipimisha, umwe muri bo akaba yarashyizwe mu kato kubera ko afite ibimenyetso birimo no gukorora.

Umva inkuru irambuye hano: