AMAJYARUGURU: ABANTU 71 BARAHUNGABANYE MURI IKI GIHE TWIBUKA JENOSIDE YAKOREWE ABATUTSI

Ubuyobozi bw’Intara y’Amajyaruguru buratangaza ko muri iki gihe twibuka ku nshuro ya 26 Jenoside yakorewe Abatutsi, abantu 71 bo muri iyi ntara bamaze kugira ibibazo by’ihungabana.

Mu bituma abagira ikibazo cy’ihungabana bamenyekana muri iki gihe, harimo guhanahana amakuru bigizwemo uruhare n’abo mu miryango yabo, abaturanyi, inzego zirimo izihagarariye Ibuka ku rwego rw’imirenge, abajyanama b’ubuzima n’inzego z’ibanze.

Abagize ikibazo bakaba bari gukurikiranwa n’abaganga bo mu bigo nderabuzima n’ibitaro bitandukanye byo muri iyi Ntara.

Umujyanama w’intara y’amajyaruguru mu by’amategeko Malikidogo Jean Pierre, yasabye abantu kwirinda imvugo cyangwa ubutumwa busesereza, dore ko biri mu bishobora gutera umuntu guhungabana.

Imibare ya Minisiteri y’ubuzima na CNLG yerekana ko mu mwaka ushize wa 2019 mu gihe cyo kwibuka Jenoside yakorewe Abatutsi abarokotse jenoside bagera ku bihumbi 4 mu gihugu hose ari bo bagaragaje ikibazo cy’ihungabana, 300 muri bo ihungabana bagize ryari ku rwego rwo gufashirizwa mu bitaro.

Umva inkuru irambuye hano:

Written by: KT Radio Team

Rate it

Rutsiro: 24 batawe muri yombi banyuranya n’ingamba zo guhangana na Covid-19

Abaturage 24 bo mu Karere ka Rutsiro umurenge wa Gihango bari mu maboko y’inzego z’umutekano bakurikiranyweho kunyuranya n’amabwiriza yo gukumira icyorezo cya COVID-19. Aba baturage bafatiwe mu murenge wa Gihango akagari ka Ruringo basengera hamwe, bakaba bahuriye mu itsinda ryitwa ASSOC rishingiye ku idini y’abadventisti. Umuyobozi w’Akarere ka Rutsiro Emerance Ayinkamiye avuga ko ubwo bafatwaga bavuze ko bari gusengera hamwe kubera ko imperuka ibagereyeho. Ari kuri micro ya Syldio Sebuharara […]

April 13, 2020 19 1