Abahitanwa na malariya bagabanutseho 60% mu myaka itatu ishize

Minisiteri y’Ubuzima yatangaje ko mu myaka itatu ishize abapfa bazira Malariya bagabanutseho 60% kubera ingamba zafashwe zo kuyirwanya, ndetse n’uruhare rukomeye rw’abajyanama b’ubuzima mu kuyivura.

Dr Aimable Mbituyumuremyi, ukuriye ishami ryo kurwanya malariya mu Kigo cy’igihugu cyita ku buzima (RBC) yabivuze mu kiganiro yagiranye na KT Radio, avuga ko guhangana na Malariya bikomeje n’ubwo igihugu kiri mu bihe bigoye kubera Covid-19.

Mu ngamba zatumye ibyo bigerwaho ngo harimo gutanga inzitiramibu nyuma ya buri myaka ibiri cyangwa itatu ku bantu bose, ndetse n’izihabwa ibyiciro bizahazwa cyane na Malariya birimo abagore batwite n’abana bo munsi y’umwaka bazihabwa uko bagiye ku bipimo kwa muganga.

Inzitiramibu zimaze iminsi zitangwa ngo zimaze kugera mu turere 13, bagateganya ko Gicurasi izarangira abagomba kuzihabwa bazibonye, igikorwa kikazarangira hatanzwe inzitiramibu 7,500,000.

Umva inkuru irambuye hano: