Perezida Kagame yashyizeho abayobozi bashya 14

Kuri uyu wa 11 gicurasi perezida wa republika Paul Kagame yashyize mu myanya abayobozi mu nzego zitandukanye.

Itangazo rimaze gushyirwa ahagaraga n’ibiro bya minisitiri w’intebe riravuga ko Moses Rugema yashyizwe ku rwego rw’ambassaderi hanyuma agirwa umuyobozi mukuru ushiznwe porotocole ya leta muri Perezidansi ya Republik.

Ambassaderi Jacques Kabale yagizwe ambassaderi wihariye ushinzwe gukurikira ibikorwa byo kwishyira hamwe kwa Africa.

Clementine Mukeka yagizwe umunyamabanga uhoraho muri Minisiteri y’Ububanyi n’Amahanga n’Ubutwererane.

Theophile Mbonera yagizwe umunyamabanga uhoraho muri Minisiteri y’Ubutabera.

Patrick Karera yagizwe umunyamabanga uhoraho muri Minisiteri y’Ibidukikije , naho Juliet kabera agirwa umuyobozi w’Ikigo Gishinzwe Kurengera Ibidukikije mu Rwanda (REMA).

Dr. Regis Hitimana, yagizwe Umuyobozi Mukuru Wungirije ushinzwe ibihabwa abishingizi mu Kigo cy’Igihugu cy’Ubwiteganyirize (RSSB).

Valerie Nyirahabineza, yagizwe Perezida wa Komisiyo y’Igihugu yo gusezerera no gusubiza mu buzima busanzwe abari abasirikare, akaba yasimbuye Mukantabana Seraphine wari uherutse kuvanwa kuri uyu mwanya.