Nyanza: Mu mibiri itatu yabonetse i Busasamana, umwe wahise umenyekana

Mu Murenge wa Busasamana mu Karere ka Nyanza, mu kigo cy’amashuri abanza cya Kavumu Adventiste, mu cyumweru gishize habonetse imibiri itatu bikekwa ko ari iy’abazize Jenoside yakorewe Abatutsi mu 1994.

Iyo mibiri yagaragaye kuri iryo shuri barimo gucukura imisingi y’ahagiye kubakwa ibyumba by’amashuri, bahita bayikuramo, umwe uhita umenyekana kubera ikimenyetso kihariye cy’ubuzima bwa nyakwigendera, warufite tige mu kaguru.

Tige ni icyuma gishyirwa mu rugingo rw’umuntu wavunitse kugira ngo igufa ribashe kwiyunga.

Umunyamabanga nshingwa bikorwa w’umurenge wa Busasamana Bizimana Egide yabwiye Kigali Today ko hari abantu bane bari bari aho iyo mibiri yabonetse barimo uwitwa Gatama wajyaga kuri bariyeri imbere y’ikigo cya Kavumu, ndetse ko yanabihaniwe ariko bose uko ari bane ntibigeze batanga amakuru.

Uwo Gatama na bagenzi be baje gutabwa muri yombi n’urwego rw’ubugenzacyaha (RIB) kugira ngo babazwe impamvu banze gutanga amakuru.

Umva inkuru irambuye hano:

Written by: KT Radio Team

Rate it

Nyuma y’uko COVID-19 igaragaye mu bamotari i Kigali harakurikiraho iki?

Nyuma y’uko mu mujyi wa Kigali ku cyumweru tariki 21 Kamena hagaragaye abamotari babiri banduye covid19 mu barwayi bashya 26 babonetse kuri uwo munsi, hari bagenzi babo babyakiriye nk’ibisanzwe, abandi bavuga ko bibahangayikishije kuko mu kazi kabo harimo ingaruka nyinshi. Mu bamotari bagaragaye mu bantu 26 bashya banduye covid19, umwe akorera muri zone ya Kicukiro, undi muri Nyarugenge. Kugeza ubu Ministeri y’ubuzima yahise itangira gukora iperereza rya kiganga (clinical investigation), […]

June 22, 2020 29