Nyaruguru: Ingabo z’u Rwanda zishe bane mu bateye u Rwanda baturutse mu Burundi

Minisiteri y’Ingabo z’u Rwanda (MINADEF) iremeza ko ahagana saa sita n’igice z’ijoro kuwa 27 Kamena, abantu bitwaje intwaro bateye mu Rwanda baturutse i Burundi, bagaba igitero ku basirikare b’u Rwanda mu murenge wa Ruheru mu karere ka Nyaruguru.
Mu nkuru yatugezeho mu gitondo kuri uyu wa gatandatu, umuvugizi w’Igisirikare cy’u Rwanda Lt Col Innocent Munyengango, yavuze ko ingabo z’u Rwanda zikirimo gukurikirana abo barwanyi.