EU yemeye gutanga miliyoni 476$ mu mushinga wo kugeza urukingo rwa Covid-19 kuri bose

Komisiyo y’Umuryango w’Ubumwe bw’u Burayi EU, kuri uyu wa Mbere yatangaje ko iteganya guha miliyoni 476$, ishami ry’umuryango w’abibumbye ryita ku buzima (OMS), mu gushyigikira umushinga wa COVAX ugamije gusaranganya urukingo rwa Covid-19 mu bihugu bikennye n’ibikize igihe ruzaba rwabonetse.

Uyu mubozi wa EU yaboneyeho kuvuga ko iyo Komisiyo n’Ibihugu bigize uyu muryango biteguye “gushyiraho inzobere n’ibikenewe muri COVAX mu kwihutisha ikorwa n’ikwirakwizwa ry’izi nkingo ku batuye Isi, mu bihugu bikize n’ibikennye.”

COVAX ni umushinga OMS yatangije nyuma y’ibyifuzo by’abayobozi batandukanye mu Isi barimo na Papa Francis, basaba ko igihe urukingo rwazabonekera n’abakene badafite ubushobozi bwo kurwigurira bazitabwaho; aho bagaragazaga impungenge ko niruboneka ibihugu bikize mu Isi bishobora kuzatererana ibikennye.

Kugeza ubu uyu mushinga umaze gushyigikirwa n’ibihugu birenga 150, mu gihe OMS yiyemeje kuba imaze kugura nibura miliyari ebyiri z’inkingo za Coronavirus mu mpera za 2021.

Written by: KT Radio Team

Rate it

Ntawemerewe kwinjira mu isoko rya Huye atabanje kwandikwa umwirondoro

Guhera mu gitondo cyo ku wa Gatandatu tariki 29 Kanama 2020, abinjira mu isoko mu Mujyi i Huye basabwa kubanza kwandikwa mu gitabo. Muri iki gitabo harandikwa amazina y’abinjiye mu isoko, aho batuye na nomero za telefone zabo, ndetse n’ibipimo by’umuriro babasanganye. Umuyobozi w’Akarere ka Huye, Ange Sebutege, avuga ko izi ngamba zafashwe mu rwego rwo kurwanya ikwirakwizwa ry’icyorezo cya Covid-19, cyane ko kugeza ubu muri aka Karere kimaze kugaragara […]

August 31, 2020 36