Impanuka yahitanye babiri mu Gakiriro ka Gisozi

Mu gitondo cyo kuri uyu wa kabiri tariki 08 Nzeri 2020 ahagana saa tanu, ikamyo yamanutse yabuze feri iva ku isoko ryitwa Duhahirane mu Gakiriro(Gakinjiro) ka Gisozi mu karere ka Gasabo, isekura imodoka ebyri na moto ebyiri.

Uwitwa Rwibutso Pierre ucuruza inyama iruhande rw’aho impanuka yabereye avuga ko abo yabonye bahise bitaba Imana ari abamotari babiri iyo kamyo yatuye mu mugende w’amazi(rigole).

Moto zari ziriho abitabye Imana, imwe ifite nimero RE 529 A, indi ifite nimero RE 797 Q, ikamyo yabagonze ikaba ifite nimero RAE 507 H.

Kugeza ubu umubare w’inkomere wamenyekanye ni abantu bane bamaze kujyanwa kwa muganga, barimo umubyeyi utwite n’undi mugabo bari bicaranye mu modoka y’ivatiri yagonzwe ifite nimero RAA 805Q.

Abandi babiri bakomeretse umwe ni uwari uri kuri moto yagonzwe, undi akaba ari uwari utwaye ikamyo yateje impanuka.

Indi modoka ifite nimero RAC 095J yari irimo umuntu umwe we nta na hamwe yakomeretse.

Written by: KT Radio Team

Rate it

Muhanga: Bamaze imyaka itanu bishyuza ibyabo byangijwe n’ubucukuzi bw’amabuye y’agaciro

Bamwe mu baturage bo mu kagari ka Gasharu, umurenge wa Rongi mu karere ka Muhanga barasaba kwishyurwa ibyabo byangijwe n’ibikorwa by’ubucukuzi bw’amabuye y’agaciro bikorwa n’ikigo kitwa ‘Etablissement Sindambiwe’. Abo baturage bavuga ko abafite icyo kibazo bagera mu 100, bakaba bari bafitiwe umwenda w’agera kuri miliyoni 19 z’Amafaranga y’u Rwanda ariko ngo hari bake bishyuwe. Hakaba hashize imyaka itanu bategereje ubwishyu. Inshuro zose umunyamakuru wa Kigali Today yahamagaye Sindambiwe Simon, ari […]

September 8, 2020 56