Inkuru Nyamukuru

Umuyobozi w’Ikigo cy’Igihugu gishinzwe gukwirakwiza Amazi, Isuku n’Isukura (WASAC)ishami rya Musanze, Kayiru Desire, arizeza abatuye Akarere ka Musanze ko hari kwigwa uko ikibazo cy’amazi cyakemurwa mu buryo burambye, ahatangijwe umushinga wo kwagura uruganda rw’amazi rwa Mutobo. Ni nyuma y’uko abaturage bakomeje kugaragaza ikibazo kibahangayikishije cy’ibura ry’amazi mu duce tumwe na tumwe tugize Umujyi wa Musanze no mu nkengero zabo, aho ijerekani y’amazi yageze ku mafaranga hagati ya 300 na 400. […]

Umushumba wa Diyosezi ya Ruhengeri, Musenyeri Vincent Harolimana arishimira uburyo umwaka wa 2024 wabaye uw’uburumbuke bw’Abasaseridoti muri Diyosezi ya Ruhengeri. Musenyeri Harorimana avuga ko kuba Diyosezi ya Ruhengeri yungutse Abasaseridoti 17, barimo Abapadiri 10 ndetse n’Abadiyakoni 7, ari umuhigo ukomeye dore ko bibaye ku nshuro ya mbere mu mateka ya Diyosezi ya Ruhengeri. Yabitangarije muri Paruwasi ya Janja kuri uyu wa gatandatu tariki 10 Kanama 2024, mu muhango wo guhimbaza […]

Abakemba wari umutwe w’Ingabo wari ushinzwe kunyaga cyangwa kugaruza inka, ukaba warayoborwaga na Semihari wari umugaba mukuru w’Abakemba, bakitwa Abakemba bo kwa Semihari. Ubusanzwe Abakemba n’ab’i Munyaga na Nkungu, ahahoze ari ku nkiko z’u Rwanda cyangwa se ku mbibi z’u Rwanda kuko ari ho rwagabaniraga n’i Gisaka, mu bihe byo kuva ku Ngoma ya Kigeli Ndabarasa. Ubu ni mu Murenge wa Munyaga mu Karere ka Rwamagana, akaba ari hamwe mu […]

Igishanga cy’Urugezi giherereye mu Karere ka Burera, ahahoze ari agace k’u Buberuka kari gakikijwe na Ndorwa, kagahana imbibi n’ u Rukiga ndetse n’u Bufumbira byombi ubu biherereye mu gihugu cya Uganda. Urugezi ni igishanga kinini, ahanini kigizwe n’urukangaga ndetse n’urufunzo, ubu hakaba hari n’ibiti byahatewe n’ubuyobozi mu rwego rwo gufata neza. Ibi biti byatewe ngo bikingire Urugezi, iyo ubyitegereje usanga biteye nk’umukandara uruzengurutse rwose. Inteko y’Umuco yahashyize mu hantu ndangamateka […]

Umuhanzi w’indirimbo zihimbaza Imana, Israel Mbonyi yakiriwe nk’umwami ubwo yari ageze i Nairobi muri Kenya, yakirwa n’umwe mu bantu bazwi mu gutegura ibitaramo bikomeye witwa Big Ted ndetse n’abanyamakuru bakorera ibinyamakuru bitandukanye by’aho muri Kenya. Israel Mbonyi ukunzwe cyane aho muri Kenya mu ndirimbo ze zitandukanye harimo ‘Nina Siri’ akigera ku Kibuga cy’indege cya Jomo Kenyatta International Airport (JKIA), yakiriwe nk’umwami aho yari ategerejwe n’abafana be babarirwa mu magana, barimo […]

Mu ngingo zidasanzwe z’Itegeko rishya rigenga Abantu n’Umuryango, harimo izibuza umuntu mukuru gutagaguza umutungo w’urugo, ku buryo urukiko ruhita rumushyiriraho umujyanama (cyane cyane uwo bashakanye), akaba ari we ugena uburyo umutungo ukoreshwa. Ingingo ya 145 y’iri tegeko tegeko nº 71/2024 ryo ku wa 26/06/2024, ivuga ko gutagaguza umutungo bibaho iyo umuntu mukuru akoresha nabi umutungo ku buryo bugaragara ko ashobora kugeza igihe adashobora gusigarana ibimubeshaho cyangwa kwishyura imyenda. Iyo umuntu […]

Mu gihe ibitero by’Ingabo za Ukraine bikomeje kwibasira agace ko ku mupaka wa Koursk mu Burusiya, Perezida Volodymyr Zelensky wa Ukraine, yavuze ko u Burusiya nabwo kuri iyi nshuro, bugomba kumva neza ingaruka z’intambara bwatangije muri Gashyantare 2022. Hashize iminsi itatu yikurikiranya guhera ku wa Kabiri tariki 6 Kanama 2024, abasirikare ibihumbi ba Ukraine bafite intwaro zitandukanye zirimo za ‘Chars’ na ‘Blindés’ binjiye ku butaka bw’u Burusiya nk’uko byatangajwe n’igisirikare […]

Muri Brazil, umwe mu babyeyi wari waje gushyigikira umukobwa we mu irushanwa ry’ubwiza ryaberaga mu gace ka Altamira, ntiyanyuzwe n’umwanya wa Kane uwo mukobwa we yagize, biramurakaza afata imbunda aza kurasa ku bakemurampaka, ntibyamuhira araswa n’inzego z’umutekano zarindaga aho ibirori byaberaga. Irushanwa ryabaye intandaro y’urwo rupfu ryabaye ku itariki 28 Nyakanga 2024 nk’uko byatangajwe n’Ikinyamakuru OddityCentral, maze rirangiye, umubyeyi w’umwe mu bakobwa bari baryitabiriye, witwa Sebastiao Francisco, atangira kuvuga ko […]

Mu Kagari ka Gitwa, Umurenge wa Busengo mu Karere ka Gakenke, haravugwa inkuru y’urupfu rw’abasore babiri bari abakozi ba sosiyete icukura amabuye y’agaciro ya EFEMIRWA Ltd, baguye mu kirombe. Umuyobozi w’Akarere ka Gakenke, Mukandayisenga Vestine yatangarije Kigali Today ko iyo mpanuka yabaye mu ijoro ryo ku itariki 08 Kanama 2024 aho abo basore babuze umwuka ubwo bari mu kirombe bacukura amabuye y’agaciro. Yagize ati “Ayo makuru ni yo abo basore […]