play_arrow
KT Radio Real Talk, Great Music
Muri kino kiganiro turagaruka ku mateka y'ubuzima bwa Che Guevara. Ernetso "Che" Guevara yari umunya-Argentine waharaniye impinduramatwara hirya no hino ku isi cyane cyane ku mugabane wa Amerika y'Amajyepfo aho yagize uruhare mu mpinduramatwara yabereye mu gihugu cya Cuba mu mwaka w'1959. Ushobora kumva ikiganiro kirambuye ku buzima bwa Che Guevara hano:
Muri kino kiganiro turagaruka kuri Manhattan Project, umushinga wo gukora ibisasu bya kirimbuzi byakoreshejwe mu gihug cy'Ubuyapani bigahitana abasaga ibihumbi 200 mu migi ya Hiroshima na Nagasaki. Manhattan Project wari umushinga wakozwe mu ibanga rikomeye cyane, ku buryo abenshi mu bantu ibihumbi amagana bawugizemo uruhare, batari bazi mu by’ukuri icyo barimo kubaka. Kurikira ikiganiro kirambuye ku nkomoko y'uyu mushinga ndetse n'uburyo washyizwe mu bikorwa hano:
Bob Marley, umuhanzi benshi bafata nk’umwami w’injyana ya Reggae, yapfuye afite imyaka 36, asiga benshi mu gihirahiro, bamwe bemeza ko yazize uburwayi, abandi bakavuga ko yazize akagambane k’abanyapolitike bari bashyize imbere ubutegetsi bwa mpatse ibihugu n’ivangura rishingiye ku ruhu. Muri kino kiganiro turi bugaruke ku makuru mashya aherutse gushyirwa ahagaragara ku rupfu rwa Bob Marley. Ni inyanja twogamo twateguriwe na Gasana Marcellin
Repubulika ya Haiti ni zimwe muri repubulika za mbere zabayeho mu mateka y’isi. Iki gihugu kikaba cyarashinzwe biturutse ku kwivumbagatanya kw’abacakara bari barajyanywe ku mugabane wa America gukoreshwa imirimo y’agahato. Muri kino kiganiro Christophe Kivunge aragaruka kuri "Revolution Haitienne" yabaye hagati y'umwaka w'1791 n'1804, yatumye iki gihugu gishingwa. Umva ikiganiro kirambuye hano:
Muri kino kiganiro tugiye kugaruka ku icuruzwa ry'abacakara ryambukiranyaga inyanja ya Atalantike (Trans-Atlantic Slave Trade). Ni ubucuruzi bwamaze imyaka igera kuri 400, amamiliyoni y'abanyafurika bajyanwa ku mugabane wa Amerika mu bucakara. Umva ikiganiro kirambuye hano:
Muri kino kiganiro turagaruka ku mahugurwa ahabwa abarimu. Mwalimu aba akeneye amahugurwa ahoraho kugira ngo anoze akazi ke, ese abarimu bo mu Rwanda bahugurwa bate mu kazi kabo? Turi kumwe na Kimenyi Eric akaba ayobora ishami rishinzwe amahugurwa ya mwarimu muri AIMS Rwanda, Prof Wenceslas Nzabarirwa wo muri kamuniza y'u Rwanda na Solange Mukayiranga, umuyobozi ushinzwe uburezi muri VVOBrwanda. Umva ikiganiro kirambuye hano:
Muri kino kiganiro turagaruka ku iterambere ry'uburezi binyuze mu ikoranabuhanga. Ese iri koranabuhanga rigera mu burezi rite? Rihagezwa na nde? Bica mu zihe nzira? Uko bikorwa birahagije cyangwa byavugururwa? Turi kumwe na Shadrack Munyeshyaka (Nyereka Tech) na Bella Rwigamba (MINEDUC). Umva ikiganiro kirambuye hano:
Muri kino kiganiro turagaruka kuri Soweto Uprising cyangwa se imyigaragambyo yabereye mu mugi wa Soweto muri Afurika y'Epfo mu mwaka w'1976. Ni imyigaragambyo yeteguwe n'abana b'abanyeshuri b'abirabura nyuma y'uko leta ya Afurika y'Epfo yari imaze gushyiraho itegeko ryavugaga ko abanyeshuri bose bagombaga kwiga mu rurimi rwa Afrikaans. Ni imyigaragambyo kandi yari igamije kwamagana systeme y'ivanguraruhu ya apartheid yakoreshwaga aho muri Afurika y'Epfo. Ku munsi wa mbere, abantu 23 bapfiriye muri […]
Muri kino kiganiro Anne Marie Niwemwiza ari kumwe na Minisitiri w'Ubutegetsi bw'Igihugu JMV Gatabazi, Umuyobozi w'Ikigo cy'Igihugu Gishinzwe Ubuzima (RBC) n'Umuvugizi wa Polisi y'Igihugu CP John Bosco Kabera. Umva ikiganiro kirambuye hano:
