RDF ibuze intwari, u Rwanda rubuze umwana w’intangarugero – Perezida Kagame avuga kuri Nyakwigendera Brig Gen Andrew Rwigamba
President w’u Rwanda Paul Kagame akaba n’umugaba mukuru w’ikirenga w’ingabo z’igihugu, yunamiye ndetse ashima nyakwigendera Brigadier General Andrew Rwigamba watabarutse ku wa kane tariki 17 Ukwakira 2019 azize uburwayi. Mu muhango wo ku musezeraho ku wa kabiri tariki 22 Ukwakira, ubutumwa bwa President Kagame bwasomewe mu ruhame, buvuga ko umurage we uzakomeza kuranga ubutwari bw’igisirikare cy’u Rwanda kigakomera kurushaho kuko ari nabyo nyakwigendera yaharaniye.