play_arrow
KT Radio Real Talk, Great Music
Madame Jeannette Kagame kuva kera yizera ko icyo umugabo yakora n’umugore yagikora, akanavuga ko n’ubu igitekerezo cye akigihagazeho. Yabigarutseho ku wa mbere 25 Ugushyingo, mu muhango wo gutangiza ku mugaragaro inama mpuzamahanga bise ‘Global Gender Summit 2019’ ibera i Kigali, ivuga ku iterambere ry’umugore, uburinganire n’ubwuzuzanye.
Amakuru agera kuri KT Radio aremeza ko umutwe w’iterabwoba wa RNC watangaje ku mugaragaro abagize komite nshya ku rwego rw’icyo bise Uganda Province. Inkuru yanditswe n’uwitwa Alain Mucyo, iterura ivuga ko ibirimo kubera muri Uganda muri iyi minsi bikomeje kwerekana ko icyo gihugu kiyemeje kuba indiri y’abakora ibikorwa by’iterabwoba bigamije guhungabanya umudendezo w’u Rwanda.
Perezida Kagame w’u Rwanda na Museveni wa Uganda bumvikanye kongera kunoza umubano w’ibihugu byombi ku nyungu z’abaturage n’iz’ibindi bihugu byo mu karere muri rusange. Uyu ni umwe mu myanzuro yafatiwe mu biganiro byaberega Luanda muri Angola hagati ya Perezida Kagame, João Lourenço wa Angola, Museveni wa Uganda, Tshisekedi wa Repubulika Iharanira Demokarasi ya Congo na Perezida Sassou Nguesso wa Congo Brazzaville.
Abakurikiranira hafi politike yo mu karere ka Africa y’Uburasirazuba barimo umusesenguzi n’umunyamakuru, basanga kutagira ibiganiro by’imbonankubone hagati y’ibihugu bihuriye mu muryango wa Africa y’Uburasirazuba (EAC), ari yo ntandaro yo kutagera ku ntego zose uyu muryango wihaye. Mu kiganiro Ubyumva Ute kuri KT Radio, abatumirwa barimo umunyamabanga wa leta muri Ministeri y’ububanyi n’amahanga n’ubutwererane mu Rwanda, bagarutse by’umwihariko ku bihugu bibangamira ishyirwa mu bikorwa ry’ibyo EAC yiyemeje banatanga ibitekerezo uko babona […]
